shikaripura | ಶಿರಾಳಕೊಪ್ಪ | ಲಾರಿಗಳ ಡೀಸೆಲ್ ಕಳವು ಪ್ರಕರಣ : ಶಿವಮೊಗ್ಗದ ಇಬ್ಬರ ಬಂಧನ!

ಶಿಕಾರಿಪುರ (shikaripur), ಮೇ 21: ನಿಲ್ಲಿಸಿದ್ದ ಲಾರಿಗಳಿಂದ ಸಾವಿರಾರು ರೂ. ಮೌಲ್ಯದ ಡೀಸೆಲ್ ಕಳವು ಮಾಡಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಶಿಕಾರಿಪುರ ತಾಲೂಕು ಶಿರಾಳಕೊಪ್ಪ ಠಾಣೆ ಪೊಲೀಸರು ಶಿವಮೊಗ್ಗದ ಇಬ್ಬರು ಯುವಕರನ್ನು ಬಂಧಿಸಿದ್ದಾರೆ.

ಶಿವಮೊಗ್ಗದ ಟಿಪ್ಪು ನಗರ ಬಲಭಾಗ 5 ನೇ ಕ್ರಾಸ್ ನಿವಾಸಿ ಸೋನು (26) ಹಾಗೂ ಭರ್ಮಪ್ಪ ನಗರದ ನಿವಾಸಿ ಸೈಯದ್ ಹುಸೇನ್ ಯಾನೆ ಗಫಾರ್ (25) ಬಂಧಿತ ಆರೋಪಿಗಳೆಂದು ಗುರುತಿಸಲಾಗಿದೆ.

ಆರೋಪಿಗಳಿಂದ 9 ಲಕ್ಷ ರೂ. ಮೌಲ್ಯದ ಟಾಟಾ ಇಂಟ್ರಾ ಸರಕು ಸಾಗಾಣೆ ವಾಹನ, 15 ಸಾವಿರ ನಗದು ಹಾಗೂ 5 ಖಾಲಿ ಕ್ಯಾನ್ ಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸ್ ಇಲಾಖೆ ಮೇ 21 ರಂದು ಬಿಡುಗಡೆ ಮಾಡಿದ ಪ್ರಕಟಣೆಯಲ್ಲಿ ಮಾಹಿತಿ ನೀಡಿದೆ.

ಶಿಕಾರಿಪುರ ಡಿವೈಎಸ್ಪಿ ಕೇಶವ ಕೆ ಇ ಮೇಲ್ವಿಚಾರಣೆಯಲ್ಲಿ, ಇನ್ಸ್’ಪೆಕ್ಟರ್ ಸಂತೋಷ ಪಾಟೀಲ್ ನೇತೃತ್ವದಲ್ಲಿ ಶಿರಾಳಕೊಪ್ಪ ಪೊಲೀಸ್ ಠಾಣೆ ಸಬ್ ಇನ್ಸ್’ಪೆಕ್ಟರ್ ಪ್ರಶಾಂತ್ ಕುಮಾರ್ ಟಿ ಬಿ, ಸಿಬ್ಬಂದಿಗಳಾದ ಸಿ.ಹೆಚ್.ಸಿ ಸಂತೋಷಕುಮಾರ ಆರ್, ಸಿ.ಪಿ.ಸಿ  ರಾಕೇಶ್ ಜಿ ಮತ್ತು ಸಲ್ಮಾನ್ ಖಾನ್ ಹಾಜಿರವರು ಆರೋಪಿಗಳನ್ನು ಬಂಧಿಸುವಲ್ಲಿ ಸಫಲರಾಗಿದ್ಧಾರೆ.

ಕಳವು ಪ್ರಕರಣ : 20-04-2025 ರ ರಾತ್ರಿ ಶಿರಾಳಕೊಪ್ಪ ಪೊಲೀಸ್ ಠಾಣೆ ವ್ಯಾಪ್ತಿಯ ವಿಜಯಲಕ್ಷ್ಮಿ ರೈಸ್ ಮಿಲ್ ಆವರಣದಲ್ಲಿ ನಿಲ್ಲಿಸಿದ್ದ, 3 ಲಾರಿಗಳ ಇಂಧನ ಟ್ಯಾಂಕ್ ಗಳಿಂದ  ಅಂದಾಜು 45,000 ರೂ. ಮೌಲ್ಯದ ಸುಮಾರು 450 ಲೀಟರ್ ಡೀಸೆಲ್ ಕಳ್ಳತನ ಮಾಡಲಾಗಿತ್ತು.

ಈ ಕುರಿತಂತೆ ಲಾರಿ ಮಾಲೀಕರಾದ ಸೊರಬ ತಾಲ್ಲೂಕು ಕೋಲಗುಣಸಿ ವಾಸಿಯಾದ ವಿಕ್ರಂ ಭಟ್ ಎಂಬುವರು ಶಿರಾಳಕೊಪ್ಪ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರು.

Shikaripura, May 21: Shikaripura taluk Shiralakoppa police have arrested two youths from Shivamogga in connection with the theft of diesel worth thousands of rupees from parked trucks.

On the night of 20-04-2025, approximately 450 liters of diesel worth approximately Rs. 45,000 was stolen from the fuel tanks of 3 trucks parked in the Vijayalakshmi Rice Mill premises under Shiralakoppa police station limits.