BREAKING NEWS | ಸಿದ್ದರಾಮಯ್ಯ ವಿರುದ್ದ FIR  : ಯಾರೆಲ್ಲ ವಿರುದ್ದ ಕೇಸ್? ಯಾವ್ಯಾವ ಕಾಯ್ದೆ?

ಮೈಸೂರು (mysore), ಸೆ. 27: ಮುಡಾ ಪ್ರಕರಣಕ್ಕೆ (muda case) ಸಂಬಂಧಿಸಿದಂತೆ, ಮುಖ್ಯಮಂತ್ರಿ ಸಿದ್ದರಾಮಯ್ಯ ವಿರುದ್ದ ಮೈಸೂರಿನ ಲೋಕಾಯುಕ್ತ ಪೊಲೀಸ್ ಠಾಣೆಯಲ್ಲಿ ಸೆ. 27 ರ ಶುಕ್ರವಾರ ಎಫ್.ಐ.ಆರ್ (FIR) ದಾಖಲಾಗಿದೆ.

ಪ್ರಸ್ತುತ ಲೋಕಾಯುಕ್ತ ಪೊಲೀಸರು ದಾಖಲಿಸಿರುವ ಎಫ್ಐಆರ್ ನಲ್ಲಿ ಸಿದ್ದರಾಮಯ್ಯ ಮೊದಲ ಆರೋಪಿಯಾಗಿದ್ದಾರೆ (A 1). ಎರಡನೇಯಾದಾಗಿ ಅವರ ಪತ್ನಿ ಪಾರ್ವತಿ ಬಿ ಎಂ (A 2), ಮೂರನೇಯದಾಗಿ ಸಿಎಂ ಭಾಮೈದ ಮಲ್ಲಿಕಾರ್ಜುನ ಸ್ವಾಮಿ (A 3), ನಾಲ್ಕನೇ ಆರೋಪಿಯಾಗಿ ಭೂಮಿ ಮಾರಾಟಗಾರ ದೇವರಾಜು (A 5) ಹಾಗೂ ಇತರರ ವಿರುದ್ದ ಕೇಸ್ ದಾಖಲಾಗಿದೆ.

ಮೈಸೂರಿನ ಸ್ನೇಹಮಯಿ ಕೃಷ್ಣ ಎಂಬುವರು ದಾಖಲಿಸಿದ್ದ ಖಾಸಗಿ ದೂರಿನ ಆಧಾರದ ಮೇಲೆ, ಬೆಂಗಳೂರಿನ ಜನಪ್ರತಿನಿಧಿಗಳ ವಿಶೇಷ ನ್ಯಾಯಾಲಯವು ಸಿಎಂ ವಿರುದ್ದ ಸಿ.ಆರ್.ಪಿ.ಸಿ ಅಡಿ ತನಿಖೆ ನಡೆಸಿ, ಮೂರು ತಿಂಗಳೊಳಗೆ ವರದಿ ಸಲ್ಲಿಸುವಂತೆ ಆದೇಶಿಸಿತ್ತು.

ಅದರಂತೆ ಮೈಸೂರು ಲೋಕಾಯುಕ್ತ ಪೊಲೀಸರು (mysore lokayukta) ಸಿ.ಆರ್.ಪಿ.ಸಿ ಸೇರಿದಂತೆ ಐಪಿಸಿ ವಿವಿಧ ಕಲಂಗಳು, ಭ್ರಷ್ಟಾಚಾರ ತಡೆ ಕಾಯ್ದೆ, ಬೇನಾಮಿ ಆಸ್ತಿ ವಹಿವಾಟು ಕಾಯ್ದೆ, ಕರ್ನಾಟಕ ಭೂ ಕಬಳಿಕೆ ನಿಷೇಧ ಕಾಯ್ದೆಯಡಿ ಎಫ್.ಐ.ಆರ್ ದಾಖಲಿಸಿದ್ದಾರೆ ಎಂದು ತಿಳಿದುಬಂದಿದೆ.

ಪ್ರವಾಸ : ಶುಕ್ರವಾರ ಬೆಳಿಗ್ಗೆಯಷ್ಟೆ ಸಿಎಂ ಸಿದ್ದರಾಮಯ್ಯ (cm siddaramaiah) ಅವರು ಬೆಂಗಳೂರಿನಿಂದ ವಿಶೇಷ ವಿಮಾನದಲ್ಲಿ ಮೈಸೂರಿಗೆ ಆಗಮಿಸಿದ್ದರು. ವಿವಿಧ ಪೂರ್ವ ನಿರ್ಧರಿತ ಸಭೆ, ಸಮಾರಂಭಗಳಲ್ಲಿ ಅವರು ಭಾಗಿಯಾಗಿದ್ದಾರೆ. ಈ ನಡುವೆ ಅವರ ವಿರುದ್ದ ತವರೂರು ಮೈಸೂರಿನಲ್ಲಿಯೇ ಎಫ್.ಐ.ಆರ್ ದಾಖಲಾಗಿದೆ.

Regarding the Muda scam, against Chief Minister Siddaramaiah at the Lokayukta Police Station in Mysore, An FIR was registered on Friday sep. 27th. Currently, Siddaramaiah is the first accused in the FIR registered by the Lokayukta police. A case has been registered against his wife Parvathi BM as the second, CM Bhamaida Mallikarjuna Swamy as the third, land seller Devaraju as the fourth accused and others.