shimoga | ಶಿವಮೊಗ್ಗ : ಲಂಚ ಪಡೆಯುವ ವೇಳೆ ಲೋಕಾಯುಕ್ತ ಬಲೆಗೆ ಬಿದ್ದ ನಿವೃತ್ತ ನೌಕರನಿಗೆ ಜೈಲು ಶಿಕ್ಷೆ!
ಶಿವಮೊಗ್ಗ, ಫೆ. 28: ವ್ಯಕ್ತಿಯೋರ್ವರಿಂದ ಲಂಚ ಪಡೆಯುವ ವೇಳೆ ಲೋಕಾಯುಕ್ತ ಬಲೆಗೆ ಬಿದ್ದಿದ್ದ, ಸರ್ವೇ ಇಲಾಖೆ ಭೂ ಮಾಪನ ಪರಿವೀಕ್ಷಕರಾಗಿ ಕಾರ್ಯನಿರ್ವಹಿಸುತ್ತಿದ್ದ, ಪ್ರಸ್ತುತ ಸೇವೆಯಿಂದ ನಿವೃತ್ತರಾಗಿರುವ ನೌಕರನಿಗೆ ಶಿವಮೊಗ್ಗದ 1 ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯವು 1 ವರ್ಷ 6 ತಿಂಗಳ ಜೈಲು ಶಿಕ್ಷೆ ವಿಧಿಸಿ ಫೆ. 28 ರಂದು ತೀರ್ಪು ನೀಡಿದೆ.
ಭದ್ರಾವತಿ ತಾಲೂಕು ಎಡಿಎಲ್’ಆರ್ ಕಚೇರಿಯಲ್ಲಿ ಭೂ ಮಾಪನ ಪರಿವೀಕ್ಷಕರಾಗಿ ಕಾರ್ಯನಿರ್ವಹಣೆ ಮಾಡುತ್ತಿದ್ದ ಟಿ ಮಲ್ಲಿಕಾರ್ಜುನಯ್ಯ (65) ಎಂಬುವರೆ ಶಿಕ್ಷೆಗೊಳಗಾದ ವ್ಯಕ್ತಿ ಎಂದು ಗುರುತಿಸಲಾಗಿದೆ. ಶಿಕ್ಷೆಯ ಜೊತೆಗೆ 30 ಸಾವಿರ ರೂ. ದಂಡ ವಿಧಿಸಲಾಗಿದೆ.
ನ್ಯಾಯಾಧೀಶರಾದ ಮರುಳಸಿದ್ದಾರಾಧ್ಯ ಹೆಚ್ ಜೆ ಅವರು ಈ ತೀರ್ಪು ನೀಡಿದ್ದಾರೆ. ಸರ್ಕಾರದ ಪರವಾಗಿ ವಿಶೇಷ ಸಾರ್ವಜನಿಕ ಅಭಿಯೋಜಕರಾದ ಎಂ ಡಿ ಸುಂದರ್ ರಾಜ್ ಅವರು ವಾದ ಮಂಡಿಸಿದ್ದರು.
ಪ್ರಕರಣದ ಹಿನ್ನೆಲೆ : ಭದ್ರಾವತಿ ಮತ್ತಿಘಟ್ಟ ಗ್ರಾಮದ ನಿವಾಸಿ, ದೂರುದಾರರಾದ ಬಸವರಾಜಪ್ಪ ಎಂಬುವರು, ತಮ್ಮ ಹೆಸರಿನಲ್ಲಿದ್ದ 1 ಎಕರೆ 20 ಗುಂಟೆ ಜಮೀನಿನ ಪಕ್ಕಾ ಪೋಡಿ ದುರಸ್ತಿ ಮಾಡಿಕೊಡುವಂತೆ ಎಡಿಎಲ್’ಆರ್ ಕಚೇರಿಗೆ ಅರ್ಜಿ ಸಲ್ಲಿಸಿದ್ದರು. ಭೂ ಪರಿವೀಕ್ಷಕರಾಗಿದ್ದ ಟಿ ಮಲ್ಲಿಕಾರ್ಜುನಯ್ಯ ಅವರು ಲಂಚಕ್ಕೆ ಬೇಡಿಕೆಯಿಟ್ಟಿದ್ದರು.
ಈ ಸಂಬಂಧ ದೂರುದಾರರು ಲೋಕಾಯುಕ್ತಕ್ಕೆ ದೂರು ಸಲ್ಲಿಸಿದ್ದರು. 23/7/2013 ರಂದು ಆಪಾದಿತ ಅಧಿಕಾರಿಯು, ಶಿವಮೊಗ್ಗದ ವಿನೋಬನಗರದ ಕೆಂಚಪ್ಪ ಲೇಔಟ್ ನಿವಾಸದಲ್ಲಿ ದೂರುದಾರ ಬಸವರಾಜಪ್ಪರಿಂದ 15 ಸಾವಿರ ರೂ. ಲಂಚ ಪಡೆಯುತ್ತಿದ್ದ ವೇಳೆ, ಲೋಕಾಯುಕ್ತ ಪೊಲೀಸರು ದಾಳಿ ನಡೆಸಿ ವಶಕ್ಕೆ ಪಡೆದಿದ್ದರು.
ಈ ಸಂಬಂಧ ಲೋಕಾಯುಕ್ತ ಇನ್ಸ್’ಪೆಕ್ಟರ್ ಕೆ ಪಿ ಪುರುಷೋತ್ತಮ್ ಅವರು ಪ್ರಕರಣದ ತನಿಖೆ ನಡೆಸಿ, ನ್ಯಾಯಾಲಯಕ್ಕೆ ಆರೋಪಪಟ್ಟಿ ದಾಖಲಿಸಿದ್ದರು.
Shimoga, Feb 28: The 1st Additional District and Sessions Court, Shimoga, has sentenced a retired employee of the Survey Department to 1 year and 6 months imprisonment for taking bribe from a person. The verdict was given on February 28.
Judge Marulasiddaradhya HJ delivered the verdict. Special Public Prosecutor MD Sundar Raj argued for the government.
A resident of Bhadravati Mattighatta village, the complainant Basavarajappa, had applied to the ADLR office to repair the pakka podi of 1 acre 20 gunte land in his name. T Mallikarjunaiah, who was a land surveyor, demanded a bribe. In this regard, the complainant filed a complaint with the Lokayukta. On 23/7/2013, the Lokayukta police raided and arrested the accused officer while accepting a bribe of Rs 15,000 from the complainant Basavarajappa at his residence at Kenchappa Layout, Vinobanagar, Shimoga.
