shikaripur | ಶಿಕಾರಿಪುರ : ವಿವಸ್ತ್ರಗೊಳಿಸಿ ಮಹಿಳೆ ಮೇಲೆ ಹಲ್ಲೆ!

ಶಿಕಾರಿಪುರ (shikaripura), ಫೆ. 28: ತೋಟಕ್ಕೆ ಮೇಕೆಗಳ ಹಿಂಡು ನುಗ್ಗಿದ್ದರಿಂದ ಕುಪಿತಗೊಂಡ ತೋಟದ ಮಾಲೀಕನ ಪುತ್ರನೋರ್ವ, ಮೇಕೆ ಮೇಯಿಸುತ್ತಿದ್ದ 50 ವರ್ಷ ವಯೋಮಾನದ ಮಹಿಳೆಯನ್ನು ವಿವಸ್ತ್ರಗೊಳಿಸಿ, ಹಲ್ಲೆ ನಡೆಸಿದ ಅಮಾನವೀಯ ಘಟನೆ ಶಿಕಾರಿಪುರ ತಾಲೂಕಿನ ಈಸೂರು ಸಮೀಪದ ಚಿಕ್ಕಜೋಗಿಹಳ್ಳಿ ಗ್ರಾಮದಲ್ಲಿ ನಡೆದಿದೆ.

ಫೆ. 23 ರ ಭಾನುವಾರ ಸದರಿ ಘಟನೆ ನಡೆದಿದೆ. ಮಹಿಳೆಯು ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದುಕೊಂಡು ಮನೆಗೆ ಮರಳಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಫೆ. 25 ರಂದು ಶಿಕಾರಿಪುರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ತಿಳಿದುಬಂದಿದೆ.

ಕಾರಣವೇನು? : ಮಹಿಳೆಯು ಮೇಕೆಗಳನ್ನು ಮೇಯಿಸುತ್ತಿದ್ದ ವೇಳೆ, ಸುಮಾರು 10 ಕ್ಕೂ ಅಧಿಕ ಮೇಕೆಗಳ ಹಿಂಡು ತೋಟಕ್ಕೆ ನುಗ್ಗಿದ್ದವು. ಇದರಿಂದ ಕುಪಿತಗೊಂಡ ತೋಟದ ಮಾಲೀಕನ ಪುತ್ರ ಅರುಣ್ ಎಂಬಾತ ಈ ಕೃತ್ಯ ನಡೆಸಿದ್ದಾನೆ ಎಂದು ತಿಳಿದುಬಂದಿದೆ.

ಮಹಿಳೆ ಮೇಲೆ ಹಲ್ಲೆ ನಡೆಸಿ, ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ. ಮಹಿಳೆಯು ಅಲ್ಲಿಂದ ಮನೆಗೆ ಹಿಂದಿರುಗಿದ್ದು, ನೆರೆಹೊರೆಯುವರು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಘಟನೆಯ ನಂತರ ಆರೋಪಿ ತಲೆಮರೆಸಿಕೊಂಡಿದ್ದಾನೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

Shikaripura, 28: An inhumane incident took place in Chikkajogihalli village near Easuru in Shikaripura taluk where a 50-year-old woman who was grazing goats was attacked by the son of the farm owner who was enraged by a herd of goats entering the farm.

The incident took place on Sunday, February 23. The woman was admitted to the hospital and returned home after receiving treatment. It is learned that a case was registered in Shikaripura Rural Police Station on February 25 regarding the incident.