ಶಿವಮೊಗ್ಗ (shivamogga), ಅಕ್ಟೋಬರ್ 19: ದೀಪಾವಳಿ ಹಬ್ಬಕ್ಕೂ ಮುನ್ನ ಶಿವಮೊಗ್ಗ ನಗರ ಹಾಗೂ ತಾಲೂಕಿನ ವಿವಿಧೆಡೆ ಅಕ್ಟೋಬರ್ 19 ರ ಸಂಜೆ ಭರ್ಜರಿ ಮಳೆಯಾಗಿದೆ.
ನಗರದ ವಿನೋಬನಗರ, ಕಾಶೀಪುರ, ಕಲ್ಲಳ್ಳಿ, ದೇವರಾಜ ಅರಸು ಬಡಾವಣೆ, ಸಹ್ಯಾದ್ರಿ ನಗರ, ಕನಕ ನಗರ, ಸೋಮಿನಕೊಪ್ಪ, ಜೆ ಹೆಚ್ ಪಟೇಲ್ ಬಡಾವಣೆ ಸೇರಿದಂತೆ ಹೊರವಲಯದ ಬಸವನಗಂಗೂರು, ಬೊಮ್ಮನಕಟ್ಟೆ, ಗೆಜ್ಜೇನಹಳ್ಳಿ, ಮೋಜಪ್ಪನ ಹೊಸೂರು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಧಾರಾಕಾರ ಮಳೆಯಾದ ವರದಿಗಳು ಬಂದಿವೆ.
ಸರಿಸುಮಾರು ಅರ್ಧ ಗಂಟೆಗೂ ಅಧಿಕ ಕಾಲ ಎಡೆಬಿಡದೆ ಬಿರುಸಿನ ಮಳೆಯಾಗಿದೆ. ಹಲವೆಡೆ ಗುಡುಗು, ಗಾಳಿ ಸಹಿತ ಧಾರಾಕಾರ ಮಳೆಯಾದ ವರದಿಗಳು ಬಂದಿವೆ.
ಭಾನುವಾರ ಬೆಳಿಗ್ಗೆಯಿಂದ ಬಿಸಿಲ ಬೇಗೆಯ ಪ್ರಮಾಣ ಹೆಚ್ಚಿತ್ತು. ಬೇಸಿಗೆ ತಾಪದ ಅನುಭವ ಉಂಟು ಮಾಡಿತ್ತು. ಸಂಜೆಯ ನಂತರ ಬಿದ್ದ ಮಳೆಯಿಂದ ತಣ್ಣನೆಯ ವಾತಾವರಣ ನೆಲೆಸುವಂತಾಯಿತು.
Shivamogga, October 19: Heavy rain lashed various parts of Shivamogga city and taluk on the evening of October 19, ahead of the Diwali festival. It has been raining heavily for more than half an hour. There have been reports of heavy rain accompanied by thunder and wind in many places.
