ಶಿವಮೊಗ್ಗ (shivamogga), ಆ. 26: ಶಿವಮೊಗ್ಗ ಜಿಲ್ಲೆಯಲ್ಲಿ ಮುಂಗಾರು ಮಳೆ (monsoon rain) ಚುರುಕುಗೊಂಡಿದೆ. ಜಿಲ್ಲೆಯ ಪಶ್ಚಿಮಘಟ್ಟ ಪ್ರದೇಶ (western ghat) ವ್ಯಾಪ್ತಿಗಳಲ್ಲಿ ಅಬ್ಬರ ಜೋರಾಗಿದ್ದು, ಧಾರಾಕಾರ ಮಳೆಯಾಗುತ್ತಿದೆ.
ಆ. 26 ರ ಸೋಮವಾರ ಬೆಳಿಗ್ಗೆ 8 ಗಂಟೆಗೆ ಕೊನೆಗೊಂಡಂತೆ, ಕಳೆದ 24 ಗಂಟೆಗಳ ಅವಧಿಯಲ್ಲಿ ಹೊಸನಗರ ತಾಲೂಕಿನ ಮಾಸ್ತಿಕಟ್ಟೆ (mastikatte) ಯಲ್ಲಿ ಅತ್ಯಧಿಕ 165 ಮಿಲಿ ಮೀಟರ್ (ಮಿ.ಮೀ.) ಮಳೆಯಾಗಿದೆ (rainfall).
ಉಳಿದಂತೆ ಮಾಣಿ (mani) ಯಲ್ಲಿ 41 ಮಿ.ಮೀ., ಯಡೂರಿ (yadur) ನಲ್ಲಿ 68 ಮಿ.ಮೀ., ಹುಲಿಕಲ್ (hulikall) 134 ಮಿ.ಮೀ., ಸಾವೇಹಕ್ಲು (savehakklu) ವಿನಲ್ಲಿ 119 ಮಿ.ಮೀ. ಭರ್ಜರಿ ವರ್ಷಧಾರೆಯಾಗಿದೆ (heavyrainfall).
ಡ್ಯಾಂ ವಿವರ : ಸೋಮವಾರ ಬೆಳಿಗ್ಗೆಯ ಮಾಹಿತಿಯಂತೆ, ರಾಜ್ಯದ ಪ್ರಮುಖ ಜಲ ವಿದ್ಯುತ್ ಉತ್ಪಾದನಾ ಕೇಂದ್ರವಾದ ಲಿಂಗನಮಕ್ಕಿ ಡ್ಯಾಂ (linganamakki dam) ನ ನೀರಿನ ಮಟ್ಟ 1817. 25 (ಗರಿಷ್ಠ ಮಟ್ಟ : 1819) ಅಡಿಯಿದೆ. ಜಲಾನಯನ ಪ್ರದೇಶ ವ್ಯಾಪ್ತಿಯಲ್ಲಿ ಧಾರಾಕಾರ ಮಳೆಯಾಗುತ್ತಿರುವುದರಿಂದ, ಡ್ಯಾಂ ಒಳಹರಿವು (inflow) 20,967 ಕ್ಯೂಸೆಕ್ ಗೆ ಏರಿಕೆಯಾಗಿದೆ. 7054 ಕ್ಯೂಸೆಕ್ ನೀರನ್ನು ಹೊರ ಬಿಡಲಾಗುತ್ತಿದೆ.
ಶಿವಮೊಗ್ಗ – ದಾವಣಗೆರೆ ಜಿಲ್ಲೆಗಳ ರೈತರ ಜೀವನಾಡಿ ಎಂದೇ ಕರೆಯಲಾಗುವ ಭದ್ರಾ ಜಲಾಶಯ (bhadra dam) ದ ನೀರಿನ ಮಟ್ಟ 180. 7 (ಗರಿಷ್ಠ ಮಟ್ಟ : 186) ಅಡಿಯಿದೆ. 5614 ಕ್ಯೂಸೆಕ್ ಒಳಹರಿವಿದ್ದು, ಜಲಾಶಯದಿಂದ ಹೊರ ಬಿಡುತ್ತಿರುವ (out flow) ನೀರಿನ್ನು ಸ್ಥಗಿತಗೊಳಿಸಲಾಗಿದೆ.
