shimoga | ಶಿವಮೊಗ್ಗ : ಸಿಟಿ ಬಸ್ ಪಲ್ಟಿ – ಕೂದಲೆಳೆ ಅಂತರದಲ್ಲಿ ತಪ್ಪಿದ ಭಾರೀ ದುರಂತ!

ಶಿವಮೊಗ್ಗ (shivamogga), ಅ. 16: ಶಿವಮೊಗ್ಗ ವಿನೋಬನಗರ ಮೊದಲ ಹಂತದ ಬೊಮ್ಮನಕಟ್ಟೆ ರಸ್ತೆ ಗಣಪತಿ ದೇವಾಲಯ ಸಮೀಪ, ಅ. 16 ರ ಬುಧವಾರ ಬೆಳಿಗ್ಗೆ ಖಾಸಗಿ ಸಿಟಿ ಬಸ್ ಪಲ್ಟಿಯಾಗಿ ಬಿದ್ದ ಪ್ರಕರಣದಲ್ಲಿ, ಕೂದಲೆಳೆ ಅಂತರದಲ್ಲಿ ಪ್ರಯಾಣಿಕರು ದೊಡ್ಡ ಅನಾಹುತದಿಂದ ಪಾರಾಗಿದ್ದಾರೆ ಎಂದು ಸ್ಥಳೀಯ ನಿವಾಸಿಗಳು ಹೇಳುತ್ತಾರೆ.

ವೀರಭದ್ರೇಶ್ವರ ಖಾಸಗಿ ಸಿಟಿ ಬಸ್, ಬೊಮ್ಮನಕಟ್ಟೆಯಿಂದ ವಿನೋಬನಗರ ಪೊಲೀಸ್ ಚೌಕಿ ಮಾರ್ಗವಾಗಿ ಗೋಪಾಳಕ್ಕೆ ತೆರಳುತ್ತಿತ್ತು. ಈ ವೇಳೆ ವಿನೋಬನಗರ ಮೊದಲ ಹಂತದ ಬೊಮ್ಮನಕಟ್ಟೆ ರಸ್ತೆಯ ರೈಲ್ವೆ ಗೇಟ್ ಬಳಿ ವೇಗವಾಗಿ ಆಗಮಿಸಿದ ಬಸ್, ರಸ್ತೆ ಹಂಪ್ಸ್ ಬಳಿ ನಿಯಂತ್ರಣ ತಪ್ಪಿದೆ. ನಂತರ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದು ಪಕ್ಕದ ಕಾಲುವೆಗೆ ಉರುಳಿ ಬಿದ್ದಿದೆ.

ವಿದ್ಯುತ್ ಕಂಬಕ್ಕೆ ಬಸ್ ಡಿಕ್ಕಿಯಾಗುತ್ತಿದ್ದಂತೆ, ತತ್’ಕ್ಷಣವೇ ವಿದ್ಯುತ್ ಸಂಪರ್ಕ ಕಡಿತಗೊಂಡಿದೆ. ಹಾಗೆಯೇ ಸಮೀಪದಲ್ಲಿಯೇ ಟ್ರಾನ್ಸ್’ಫಾರ್ಮಾರ್ ಇದ್ದು ಬಸ್ ಡಿಕ್ಕಿಯಾಗುವುದರಿಂದ ಸ್ಪಲ್ಪದರಲ್ಲಿಯೇ ತಪ್ಪಿದೆ. ಕೊಂಚ ಹೆಚ್ಚು ಕಡಿಮೆಯಾಗಿದ್ದರೂ ಭಾರೀ ದೊಡ್ಡ ಪ್ರಮಾಣದ ಸಾವು – ನಾವು ಸಂಭವಿಸುತ್ತಿತ್ತು ಎಂದು ಸ್ಥಳೀಯರು ಆತಂಕ ವ್ಯಕ್ತಪಡಿಸುತ್ತಾರೆ.

ಬಸ್ ನಲ್ಲಿ 15 ರಿಂದ 20 ಪ್ರಯಾಣಿಕರಿದ್ದರು. ಇದರಲ್ಲಿ ಮೂರ್ನಾಲ್ಕು ಜನರಿಗೆ ಗಂಭೀರ ಸ್ವರೂಪದ ಪೆಟ್ಟು ಬಿದ್ದಿದೆ. ಆಂಬುಲೆನ್ಸ್ ಮೂಲಕ ಆಸ್ಪತ್ರೆ ಕಳುಹಿಸಿಕೊಡಲಾಯಿತು ಎಂದು ಸ್ಥಳೀಯರು ತಿಳಿಸಿದ್ದಾರೆ. ಘಟನಾ ಸ್ಥಳಕ್ಕೆ ಟ್ರಾಫಿಕ್ ಠಾಣೆ ಪೊಲೀಸರು ಭೇಟಿಯಿತ್ತು ಪರಿಶೀಲನೆ ನಡೆಸಿದ್ದಾರೆ. ಅಪಘಾತದ ಕುರಿತಂತೆ ಹೆಚ್ಚಿನ ವಿವರಗಳು ಇನ್ನಷ್ಟೆ ತಿಳಿದುಬರಬೇಕಾಗಿದೆ.

Shimoga Vinobanagar First Phase Bommanakatte Road Near Ganapati Temple, In the case of a private city bus that overturned on Wednesday morning october 16th, the passengers narrowly escaped a major disaster, local residents say.