ಹೊಸನಗರ (hosanagara), ಜು. 30: ಶಿವಮೊಗ್ಗ ತಾಲೂಕು ಸೇರಿದಂತೆ ಜಿಲ್ಲೆಯ ಹಲವೆಡೆ ಮುಂಗಾರು ಮಳೆಯ (monsoon rain) ತೀವ್ರತೆ ಕೊಂಚ ಇಳಿಕೆಯಾಗಿದೆ. ಆದರೆ ಪಶ್ಚಿಮಘಟ್ಟ (western ghat) ವ್ಯಾಪ್ತಿಯ ಪ್ರದೇಶಗಳಲ್ಲಿ ಮಳೆ ಮತ್ತೆ ಮಳೆ ಅಬ್ಬರ ಜೋರಾಗಿದೆ!
ಹೊಸನಗರ ತಾಲೂಕಿನ ವಿವಿಧೆಡೆ ಧಾರಾಕಾರ ಮಳೆಯಾಗುತ್ತಿದೆ (heavy rainfall). ಜೂ. 30 ರ ಮಂಗಳವಾರ ಮುಂಜಾನೆಯಿಂದ ತಾಲೂಕಿನ ನಗರ ಹೋಬಳಿ (ngara) ಭಾಗದಲ್ಲಿ ಎಡೆಬಿಡದೆ ವರ್ಷಧಾರೆ ಸೃಷ್ಟಿಯಾಗಿದೆ. ಹಲವೆಡೆ ನೆರೆ (flood) ಭೀತಿ ಸೃಷ್ಟಿಯಾಗುವಂತೆ ಮಾಡಿದೆ!
ಸಂಡೋಡಿಯಲ್ಲಿ ಕಿರು ಸೇತುವೆ ಮುಳುಗಡೆಯಾಗಿದೆ. ತಗ್ಗು ಪ್ರದೇಶಗಳು ಜಲಾವೃತವಾಗುವಂತಾಗಿದೆ. ಭಾರೀ ಮಳೆಗೆ ಕೆರೆಕಟ್ಟೆ, ಹಳ್ಳಕೊಳ್ಳಗಳು ಮತ್ತೆ ಉಕ್ಕಿ ಹರಿಯುವಂತಾಗಿದೆ.
ಮಳೆ ವಿವರ : ಮಂಗಳವಾರ ಬೆಳಿಗ್ಗೆ ಕೊನೆಗೊಂಡಂತೆ, ಕಳೆದ 24 ಗಂಟೆಗಳ ಅವಧಿಯಲ್ಲಿ ಹೊಸನಗರ ತಾಲೂಕಿನ ಪ್ರಮುಖ ಸ್ಥಳಗಳಲ್ಲಿ ಬಿದ್ದ ಮಳೆ ವಿವರ ಈ ಮುಂದಿನಂತಿದೆ. ಮಾಣಿಯಲ್ಲಿ (mani) 185 ಮಿಲಿ ಮೀಟರ್, ಯಡೂರು (yadur) 217 ಮಿ.ಮೀ., ಹುಲಿಕಲ್ (hulikall) 210 ಮಿ.ಮೀ., ಮಾಸ್ತಿಕಟ್ಟೆ (masthikatte) 240 ಮಿ.ಮೀ., ಚಕ್ರಾ (chakra) 220 ಮಿ.ಮೀ., ಸಾವೇಹಕ್ಲುವಿನಲ್ಲಿ (savehakklu) 167 ಮಿ.ಮೀ. ಮಳೆಯಾಗಿದೆ.
